Read Alur Yob 26 Bible Online

Yob 26 - Alur bible

Yob 26

¹Yob ulund uloko lembe man ewacu kumae,

²Ikonyo ng’atu ma tego mbe kude mire! Ibodho bot ma tego mbe kude mire!

³Iporo lembe ku ng’atu ma rieko mbe kude, Man iyero ng’eyong’ec m’alili dupa!

⁴Iweco lembe ni ng’a? Man tipo ng’a m’uai woko kud i beng’i?

⁵Ju m’utho kumgi miel The pi ku ju m’ubedo i ie.

⁶Liel bedo munero i wang’ Mungu, Man girauma mbe wi Nyoth.

⁷Erieyo yor ariwa ma malu wi ka ma thwolo, Man eng’abu ng’om wi gin moko ngo.

⁸Eboyo pi i afuru pare ma pek; E afuru yec ungo i thegi.

⁹Egeng’o wang’ komker pare, Man epedho afuru pare i wie.

¹⁰Eketho kieu wi wang’ pi, Cil kum kajik mi der ku mudho.

¹¹Mbegi mi polo yengre Man igi wang’ lii kum juk pare.

¹²Etugo mukura mi nam ku tego pare, Man ku ng’eyothelembe pare egoyo Rahab.

¹³Polo rukre ni kum Tipo pare; Cinge cobo thwol m’uberingo pio.

¹⁴Nen, maeni ng’et yo pare kende: Man wawinjo lembamung’a i bang’e nyanok mire! Ento ng’a ma copo ng’eyo morpolo mi tego pare?