Read Alur Yob 36 Bible Online

Yob 36 - Alur bible

Yob 36

¹Elihu medo lembe kendo, man ewacu kumae,

²Kura nyanok, man abinyutho iri; Kum fodi abedo ku nyawec moko m’ayer pi Mungu.

³Abigamu ng’eyong’ec para ku bor, Man abikwanu bedopwe ni Jacwicna.

⁴Kum andha lembe para ndra ngo: Ng’atu m’ubedo ndhu cu i ng’eyong’ec ni karacelo kudi.

⁵Nen, Mungu e tek, man ecayu ng’atu moko ngo: En e tek i tego mi ng’eyothelembe.

⁶Egwoko kwo mi judubo ngo, Ento emio ng’ol migi ni ju ma jusendogi.

⁷Eweko neno weg bedopwe ngo: Ento karacelo kud ubimo wi komker Ekethogi mi nja, man judodogi.

⁸Man tek gibedo atwia ku nyoro, Man jumakugi i thondh masendi;

⁹Elund enyutho igi tic migi, Man gondri migi, nia gitimbri gigi ku kuhaya.

¹⁰Eyabu ithgi bende ni ponji, Man eng’olo ya gidwog kud i kier.

¹¹Tek giwinjo man gitimo ire, Gibicikucidho ku nindo migi i mierolembe, Man rundi migi i mutoro.

¹²Ento tek giwinjo ngo, gibinyothri ku palamularu, E gibitho ma ng’eyong’ec umbe kugi.

¹³Ento ju ma ayi Mungu mbe i adundegi gikanu ng’ecwiny: Giywagu kony ungo kinde m’etwiogi.

¹⁴Githo i aradu, Man kwo migi rwinyo i kind ju m’ucido.

¹⁵Ebodho ju ma jusendogi i masendi migi, Man eyabu ithgi i ruvwa.

¹⁶Eyo, kuno di enyebi kud i lem ma tek I ka ma lac, ka ma lem ma tek umbe i ie; Man gin ma juketho wi mesa peri kuno di bedo pong’ ku mio.

¹⁷Ento in ipong’ ku lembapoka mi judubo: Pokolembe ku bedopwe meki.

¹⁸Kum kud iyi kwinyo thubi kum ponji; Kadi kud iyi dwong’ mi war uloki cen.

¹⁹Ywak peri biloko gin moko, kara kud ibed i lem ma tek, Kadi tego ceke mi tegoni?

²⁰Kud iyeny diewor, Kinde ma jukabu kodhidhanu woko ku i kakagi.

²¹Bed ku weng’i, kud iketh cwinyi kum kier: Kum ifoyo maeni ma sagu masendi.

²²Nen, Mungu timo gin ma malu i tego pare: Ng’a ma japonji ma calu eni?

²³Ng’a ma ng’olo ire yo pare? Kadi ng’a ma copo wacu kumae, Itimo gondri?

²⁴Poi nia iyung tic pare, Ma dhanu wero pire.

²⁵Dhanu ceke neno wie; Dhanu nene ku bor.

²⁶Nen, Mungu e dit, man wang’eye ngo; Wel rundi pare yenjre ngo.

²⁷Kum eting’o pi ma ton malu, Ma doko ni koth ku i afuru pare,

²⁸Ma polo konjo piny Man ecwi wi dhanu dit.

²⁹Eyo, ng’atu moko copo ng’eyo girapedha mir afuru, Morpolo mi kabedo pare?

³⁰Nen, ecaru der pare i kume gbur; Man eumo the nam.

³¹Kum epoko lembe mi kodhidhanu ku maeni; Emio cemo dit.

³²Eumo cinge ku lukoth, Man emio ng’ol ire nia egoi girakila.

³³Bamome yero pire, Lim bende pi wavuvu m’utuk.