Read Alur Yob 41 Bible Online

Yob 41 - Alur bible

Yob 41

¹Icopo jaku nyang’ ku gol mi reci? Kadi icopo dio lebe ku tholi?

²Icopo ketho uno i ume? Kadi icopo cobo lwoknine ku goli?

³Ebitimo kwac dupa i beng’i? Kadi ebiyero lem ma mit iri?

⁴Ebitimo lembariba kudi, Ma nia igame ni jatic mi nja?

⁵Ibituko kude calu ku winyo? Kadi ibitwie ni bong’ peri?

⁶Njuru jujakrec bitimo kuloka kude? Gibipoke kind jukuloka?

⁷Icopo pong’o dendkume ku nyunyu ma bithi, Kadi wie ku tong’ mi reci?

⁸Keth cingi i kume; Poi kum lwiny man kud itim kumeno kendo.

⁹Nen, genogen pare en e mananu: Ng’atu moko cwinye bidieng’ ungo cil kum nene?

¹⁰Ng’atu moko mbe ma kwiny ma tegocwinye nuti m’ethube ko; Ka kumeno ng’a ma copo cungo i wang’a?

¹¹Ng’a ma lar mio ira, ma nia acul wang’e ire? Gin ceke ma the polo dho en e para.

¹²Abibedo ling’ ungo pi tiende, Kadi pi tego pare mi kero, kadi pi leng’kume.

¹³Ng’a ma copo wanyu kendi pare ma yo woko? Ng’a ma bibino yor i lwoknine?

¹⁴Ng’a ma copo yabu dhugola mi wang’e? Ndiri ni i ng’et lake.

¹⁵Apokane ma tek en e kuhaya pare, Ma gimoko karacelo calu jumwono kud ayi.

¹⁶Acel ni ceng’ni kpur kum wadi, Kara lietho kud umond i kinde.

¹⁷Giribri karacelo ku wadi; Gimoko karacelo, ketho jucopo pokogi ngo.

¹⁸Goyotham pare caru der, Man wang’e calu biendwang’ mi kugweno.

¹⁹Dhumac m’ubewang’ ai kud i dhoge, Man bieimacne por woko.

²⁰Yiro ai kud i odiume, Calu agulu m’ubetwak man usi m’ubewang’.

²¹Yuyo pare opo cukmac, Man lebmac wok woko kud i dhoge.

²²Tego bedo i ng’ute, Man ndiri bemiel i wang’e.

²³Unyokume ribre karacelo: Gibedo tek i kume; jucopo kabugi ngo.

²⁴Adundene tek calu kidi; Eyo, tek calu pom.

²⁵Kinde m’etingre malu, lworo nego jurukara: Gidoko tipo ni kum lworo migi.

²⁶Tek ng’atu moko tong’e ku palamularu, etimo gin moko ngo; Kadi tong’, kadi nyakalendu, kadi pindo.

²⁷Ekwanu nyunyu calu soka, Man mola calu yen m’utop.

²⁸Athero copo ketho eringo ngo: Eloko kidi mi jungbe ni soka.

²⁹Ekwanu dul calu soka: Eng’iero tong’ m’uberingo ngia.

³⁰Ng’ete ma yo piny calu dekle ma bith: Emoyo jamfodocam wi codho.

³¹Eketho pi ma thuth wali calu i agulu: Edwoko nam calu agulu mi mo m’awira.

³²Eketho yo rieny yo ng’eye; Ng’atu moko copo wacu nyo lwar ni wi pi en.

³³Moko mbe wi ng’om ma calu en, Ma jucwio ma lworo mbe kude.

³⁴Eneno gin ceke ma ni malu: En e ubimo wi wot kuhaya ceke.