Read Alur Zaburi 108 Bible Online

Zaburi 108 - Alur bible

Zaburi 108

¹Adundena cungo, E Mungu; Abiwero, eyo, abiwero pak, cil ku dwong’ para.

²Ceu, nanga kud adungu: An gira abiceu pir kugweno.

³Abifoi kind kodhidhanu, E Yehova; Man abiwero pak iri i kind thek.

⁴Kum mer mi bero peri e dit ma sagu polo; Man lemandha peri tundo kum polo.

⁵Bed dwong’, E Mungu, ma sagu polo, Man dwong’ peri bed wi ng’om ngung’.

⁶Bodh ku cingi ma yor acwic, man ilok iwa lembe, Kara jubodh jumerni.

⁷Mungu yero i leng’ pare kumae, Abilula; Abipoko Cekem, man abiporo poga mi Sukoth.

⁸Gilead en e para; Manase en e para; Efraim bende en e jamgwok mi wia; Yuda en e uluth para.

⁹Moab en e agulu mi logo para; Abibayu wara para wi Edom; Abikok wi Filistia.

¹⁰Ng’a ma bikela i adhura ma teki? Ng’a m’utelo wia bang’ Edomi?

¹¹Ibayuwa ngo, E Mungu? Man iwok woko kud udul mwa ngo, E Mungu.

¹²Mi kony iwa kum jasend; Kum kony mi dhanu en e mananu.

¹³Ni kum Mungu wabitimo ku kero: Kum en e ng’atu ma binyono jusend mwa.