Read Alur Zaburi 11 Bible Online

Zaburi 11 - Alur bible

Zaburi 11

¹Apondo ba Yehova: Wuwacu nenedi ni ng’eyong’ec para kumae, Ring calu winyo ba got;

²Kum, nen, judubo gigomo atum, Giyiko athero migi wi thol, Kara gikii i mudho ng’atu ma adundene atira;

³Tek thepiny unyothre, Weg bedopwe copo timo ang’o?

⁴Yehova ni i hekalu pare ma leng’; Yehova, komker pare ni i polo; Wang’e neno, biendwang’e mulo, nyithindho mi dhanu.

⁵Yehova mulo i weg bedopwe; Ento judubo ku ju m’umaru rop ng’eyong’ec pare dagu.

⁶Ebikonjo uwic wi judubo; Mac ku muganga ku yamu ma lieth bibedo makapiny mi kikombe migi.

⁷Kum Yehova en e pwe; emaru bedopwe: Ju m’atira bineno wang’e.