Read Alur Zaburi 110 Bible Online

Zaburi 110 - Alur bible

Zaburi 110

¹Yehova wacu ni Rwoth para kuimae, Jany yo ku cinga ma yor acwic, Maram aketh ko judegini ni kom mi tiendi.

²Yehova bioro uluth mi tego pare kud i Sayuni: Bim i kind judegi peri.

³Dhanu peri gimiri gigi ku berocwiny I ceng’ mi tego peri, ku bero mi leng’; Kud i ic mi kugweno Ibedo ku thoi mir aradu peri.

⁴Yehova kwong’o, man ebilokre ngo: In i jalam mi nja Calku kura Melkizedek.

⁵Rwoth bigoyo ju m’ubimo i ceng’ mi kwinyo pare, Ku yo ku cingi ma yor acwic.

⁶Ebipoko lembe kind thek, Ebipong’o kakagi kud avu; Ebigoyo wie i ng’om dupa.

⁷Ebimadhu kum kulo i yo: Ka kumeno ebiting’o wie malu.