Read Alur Zaburi 111 Bible Online

Zaburi 111 - Alur bible

Zaburi 111

¹Wupak Yehova, Abifoyo Yehova kud adundena ceke, I dilo mi ju m’atira, man i cokri.

²Tic pa Yehova e dit, Ma dhanu ceke ma anyong’a negogi i kume giyenyo kare.

³Tic pare en e yung ku dwong’; Man bedopwe pare bedo mi nja.

⁴Eketho jupoi kum tic pare ma wang’u ijo; Yehova en e won bero ku kisa.

⁵Emio cemo ni ju m’ulwore: Ebipido pi lembariba pare mi nja.

⁶Enyutho tego mi tic pare ni dhanu pare, Ku mio igi aba mi thek.

⁷Tic mi cinge gi lemandha ku poko lembe; Cik pare ceke en e andha.

⁸Gicungo rondo ku rondo; Jutimogi i lemandha man atira.

⁹Eoro war ba dhanu pare; Eng’olo lembariba pare mi nja: Nyinge leng’ man mi yung.

¹⁰Lworo pa Yehova en e thekri mi rieko; Dhanu ceke m’utimo lembang’ola pare gibedo ku ng’eyothelembe ma ber: Pak pare bedo mi nja.