Read Alur Zaburi 115 Bible Online

Zaburi 115 - Alur bible

Zaburi 115

¹Iwa ngo, E Yehova, iwa ngo, Ento mi dwong’ ni nyingi, Kum mer mi bero peri, man kum lemandha peri.

²Pirang’o thek uwacu kumae, Mungu migi ni kani kawono?

³Ento Mungu mwa ni i polo: Etimo gin ma nyayu mutoro i ie.

⁴Mungu m’araga migi gi mola ma tar man mola ma kwar, Tic mi cing’ dhanu.

⁵Dhoggi nuti, ento giweco ngo, Wang’gi nuti, ento gineno ngo;

⁶Ithgi nuti, ento giwinjo ngo; Umgi nuti, ento ging wio ngo;

⁷Cing’gi nuti, ento giting’o piny ungo; Tiendgi nuti, ento giwotho ngo; Kadok aweca de giweco ngo ku dwandgi.

⁸Ju m’utimogi gibibedo calkugi; Eyo, ku ba dhanu ceke m’ugenogi.

⁹E Israel, gen Yehova: En e kony migi man ban migi

¹⁰E ot pa Harun, wugen Yehova: En e kony migi, man ban migi.

¹¹Wun ma wulworo Yehova, wugen Yehova: En e kony migi man ban migi.

¹²Yehova poi piwa; ebimio mugisa iwa: Ebimio mugisa ni ot mir Israel; Ebimio mugisa ni ot pa Harun.

¹³Ebimio mugisa ni ju m’ulworo Yehova, Ju ma thindho ku ju ma dongo.

¹⁴Yehova medwu kendo kendo, Wu ku nyithindhwu.

¹⁵Wun wu jumugisa pa Yehova, M’utimo polo ku ng’om.

¹⁶Polo gi polo pa Yehova; Ento ng’om emio ni nyithindho mi dhanu.

¹⁷Ju m’utho paku Yehova ngo Kadok ju m’uloro piny i ka ma ling’;

¹⁸Ento wabimio mugisa ni Yehova Ugambre i nindo maeni cil mi nja. Wupak Yehova.