Read Alur Zaburi 118 Bible Online

Zaburi 118 - Alur bible

Zaburi 118

¹A wumi foyofoc ni Yehova; kum en e ber; Kum mer mi bero pare bedo mi nja.

²Wek Israel giwac kawono, Nia mer mi bero pare bedo mi nja.

³Wek ot pa Harun giwac kawono. Nia mer mi bero pare bedo mi nja.

⁴Wek ju ma lworo Yehova giwac ka wono, Nia mer mi bero pare bedo mi nja.

⁵Kud i lem ma tek para alwong’o Yehova: Yehova loko ira lembe man eketha i ka ma lac.

⁶Yehova en e jabang’a; lworo binega ngo: Dhanu copo tima nedi?

⁷Yehova en e jabang’a i kind ju m’ukonya: Ka kumeno abineno yeny ma ia yenyo kum ju m’udaga.

⁸Pondo ba Yehova e ber Sagu geno dhanu.

⁹Pondo ba Yehova e ber. Sagu geno judongomawijo.

¹⁰Thek ceke gitieka gbur: Abikabugi woko ni kum nying’ Yehova.

¹¹Gitieka gbur; eyo, gitieka gbur: Abikabugi woko ni kum nying’ Yehova.

¹²Gitieka gbur calu kic; githum calu mac mir ukudho: Abikabugi woko ni kum nying Yehova.

¹³Igoya ma tek kara apodhi; Ento Yehova konya.

¹⁴Yehova en e tego para man wer para; Man edoko ni both para.

¹⁵Dwal mir anyong’a ku both ni i hema mi ju ma pwe: Cing’ ma yor acwic pa Yehova timo gin ma tek.

¹⁶Judodo cing’ Yehova ma yor acwic: Cing’ Yehova ma yor acwic timo gin ma tek.

¹⁷Abitho ngo, ento abibedo kwo, Man abiyero pi tic pa Yehova.

¹⁸Yehova ponja ma tek; Ento emia ni tho ngo.

¹⁹Yab ira dhugang’ mi bedopwe: Abimondo i igi, abifoyo Yehova.

²⁰Maeni dhugang’ pa Yehova; Ju ma pwe gibimondo i ie.

²¹Abifoi; kum iloko ira lembe, Man idoko both para.

²² Kidi ma jugomot gikwero Edoko ni wi gui.

²³Maeni giratima pa Yehova; En e gin ma wang’u ijo i wang’wa.

²⁴Maeni ceng’ ma Yehova timo, Anyong’a ku mutoro binegowa ni kume.

²⁵Bodh kawono, wakwei, E Yehova: E Yehova, wakwei, or mierolembe kawono.

²⁶Mugisa kwany ng’atu m’ubino ku nying’ Yehova: Wamio mugisa iri kud i ot pa Yehova.

²⁷Yehova en e Mungu, man emio iwa der: Wutwi lam ku thol, cil kum tung pemblam.

²⁸In i Munguna, man abifoi: In i Munguna, abidodi.

²⁹A wufoi Yehova; kum en e ber; Kum mer mi bero pare bedo nja.