Read Alur Zaburi 121 Bible Online

Zaburi 121 - Alur bible

Zaburi 121

¹Abiting’o wang’a malu ba gudi: Kony para biai kani?

²Kony para ai ba Yehova, M’ucwio polo ku ng’om.

³Ebiyio ngo ya tiendi kier: En m’egwoki rip rip bitere ngo.

⁴Nen, ng’atu m’ugwoko Israel Rip rip bitere ngo kadi ebinindo de ngo.

⁵Yehova en e jagwok peri: Yehova en e tipopiny peri yo ku cingi ma yor acwic.

⁶Ceng’ bigoi ngo ku dieceng’, Kadi dwi de ku diewor.

⁷Yehova bigwoki ni gin ma rac ceke; Ebigwoko ng’eyong’ec peri.

⁸Yehova bigwoko wok peri ku mondo peri. Ugambre i nindo maeni cil nja ku nja.