Read Alur Zaburi 124 Bible Online

Zaburi 124 - Alur bible

Zaburi 124

¹Tek Yehova en e jabang’wa ngo, Wek Israel uwac kawono,

²Tek Yehova en e jabang’wa ngo, Kinde ma dhanu ai i kumwa;

³Kuno di gimwonyowa ma kwo, Kinde ma kwinyo migi opo i kumwa:

⁴Kuno di pi mwonyowa, Kuno di kulo umo ng’eyong’ec mwa:

⁵Kuno di pi mi kuhaya umo ng’eyong’ec mwa.

⁶Mugisa bed ni Yehova, M’emiowa ngo calu amaci ni lakgi.

⁷Ng’eyong’ec mwa both calu winyo kud i uwic mi jucikwinyo: Uwic utur, man waboth.

⁸Kony mwa ni i nying’ Yehova, M’ucwio polo ku ng’om.