Read Alur Zaburi 138 Bible Online

Zaburi 138 - Alur bible

Zaburi 138

¹Abifoi kud adundena ceke: Abiwero pak iri i wang’ udul mungu.

²Abirwo yo bang’ hekalu peri ma leng’, Man abifoyo nyingi kum mer mi bero peri man kum lemandha peri: Kum idodo lembe peri ma sagu nyingi ceke.

³I ceng’ m’alwong’o iloko ira lembe, Idwoko cwinya tek ku tego i ng’eyong’ec para.

⁴Ju m’ubimo ceke mi ng’om gibifoi, E Yehova, Kum giwinjo lembe mi dhogi.

⁵Eyo, gibiwero pi yo pa Yehova; Kum dwong’ pa Yehova e dit.

⁶Kum kadok Yehova ni malu, ento ene no ng’atu m’ujwigre; Ento eng’eyo jakuhaya ku bor.

⁷Kadok awotho i die can, ibidwoko cwinya; Ibirieyo cingi kum kwinyo mi judegi para, Man cingi ma yor acwic bibodha.

⁸Yehova bidaru lembe ma pira mii: Mer mi bero peri, E Yehova, bedo mi nja; Kud iwek tic mi cingi giri.