Read Alur Zaburi 139 Bible Online

Zaburi 139 - Alur bible

Zaburi 139

¹E Yehova, iyenya, man ing’eya.

²Ing’eyo bedopiny para ku aimalu para; Man ing’eyo pidoic para ku bor.

³Iyenyo yo para ku vuto para, Man ing’eyo yo para ceke

⁴Kum lembe acel de mbe i leba, Ento, nen E Yehova, ing’eye ceke kubang’e.

⁵Icero yor i ng’eya ku yor i wang’a, Man iketho cingi i kuma.

⁶Ng’eyong’ec ma kumeno saga; En e malu, acope ngo.

⁷Abicidho kani ni Tipo peri? Kadi aringo kani ni weng’i?

⁸Tek aidho i polo, ini kuca: Tek aketho kavuto para i liel, nen, ini kuca.

⁹Tek agamu bomb mi kugweno, Man abedo i leb nam;

¹⁰Cil kuca cingi bipeya, Man cingi ma yor acwic bimaka.

¹¹Tek awacu kumae, Mudho biuma andha, Man der ma i vuta bidoko diewor;

¹²En e mudho epanu iri ngo, Ento diewor rieny calu ceng’: Mudho ku der gi cal acel iri.

¹³Kum icwio jambia: Man iuma kud i ma.

¹⁴Abifoi; kum jutima ku lworo man musana: Tic peri en e gin ma wang’u ijo; Man ng’eyog’ec para ng’eyo maeno cu.

¹⁵Cogona pandre iri ngo, Kinde ma jutima i ka m’amung’a, Ma jutima de ku rieko i ng’et ng’om ma piny.

¹⁶Weng’i nena ma fok’adoko cu ngo; Man jugorogi ceke i kitabu peri, Cil ceng’ ma juketho ira, Kinde ma fodi moko m’i kinde mbe.

¹⁷E Mungu, pidoic peri pire tek ira bende mire ma! Karam dit mir udulgi mire ma!

¹⁸Tek akwanugi, welgi sagu kwio: Kinde m’aceu, wabedo wakudi asu.

¹⁹Andha ibinego judubo, E Mungu: Ka kumeno wuai cen kud i kuma, wu dhanu ma rieu rimo negowu.

²⁰Kum giyero rac i kumi, Man judegi peri giyero nyingi mananu.

²¹E Yehova, ju m’udegi adagugi ngo? Man can nega kum ju m’uai i kumi ngo?

²²Adagugi kud adegi ma dit: Gidoko judegina.

²³Yeny ia, E Mungu, man ing’ei adu ndena: Mul ia, man ing’ei pidoic para;

²⁴Man nen tek yo moko mi dubo ni i ia, Man itel wia i yo mi nja.