Read Alur Zaburi 147 Bible Online

Zaburi 147 - Alur bible

Zaburi 147

¹Wupak Yehova; Kum en e ber ya juwer pak ni Mungu mwa; Kum en e mit, man pak ber.

²Yehova gomo Yerusalem; Ecoko dhanu mir Israel ma julalu karacelo.

³Ecangu ju ma cwinygi tur, Man eriwo wang’ lero migi.

⁴Ekwanu wel cero; Elwong’ogi ceke ku nying’gi.

⁵Rwoth mwa e dwong’, man e tek i tego; Man ng’eyothelembe pare mukerone mbe.

⁶Yehova jengo ju ma mol Ejwigo jadubo piny i ng’om.

⁷Wuwer ni Yehova ku foyofoc; Wuwer pak wi adungu ni Mungu mwa,

⁸M’uumo polo kud afuru, M’uyiko koth ni ng’om, M’uketho lum utwi wi gudi.

⁹Emio cemo ni lim, Man ni nyithindh upa m’uywak.

¹⁰Tego mi riuni nyayu mutoro ngo i ie: Tiend dhanu nyayu mutoro moko ngo i ie,

¹¹Ju m’ulwore nyayu mutoro i Yehova, Ju m’ugeno mer mi bero pare.

¹²Pak Yehova, E Yerusalem; Pak Mungu peri, E Sayuni.

¹³Kum emio tego ni utwindi mi dhugang’ peri; Emio mugisa ni nyithindho peri m’i ii.

¹⁴Etimo kwiocwiny i kieu peri; Eyeng’i ku mor nganu.

¹⁵Eoro lembang’ola pare i ng’om; Lembe pare ringo pio hai.

¹⁶Emio pei calu yuk rombe; Eketho pei calu vuru.

¹⁷Ebolo pei pare calu ng’ili piny: Ng’a ma copo cungo i wang’ koyo pare?

¹⁸Eoro lembe pare, man eng’oyogi: Eketho yamu pare koto, man pi mol.

¹⁹Enyutho lembe pare ni Yakobo, Cik pare ku lembapoka pare ni Israel.

²⁰Etimo kumeno ngo ni thek moko; Man pi lembapoka pare, ging’eyogi ngo. Wupak Yehova.