Read Alur Zaburi 148 Bible Online

Zaburi 148 - Alur bible

Zaburi 148

¹Wupak Yehova. Wupak Yehova kud i polo: Wupake, i ka m’utingre.

²Wupake, wu malaika pare ceke: Wupake, wun udul pare ceke.

³Wupake, wu ceng’ ku dwi: Wupake, wu cero mi der.

⁴Wupake, wu polo mi polo, Man wu pi dupa ma wuni wi polo.

⁵Wek gipak nying’ Yehova; Kum eng’olo, man gicwiri.

⁶Ekethogi bende mi nja ku nja: Etimo cik ma bikadhu woko ngo.

⁷Wupak Yehova kud i ng’om, Wu yedi ma dongo m’i nam, ku pi ma thuth ceke;

⁸Mac ku pei, pei kud afuru; Yamu mi wavuvu, ma timo lembe pare kakare;

⁹Gudi kud ungulu gudi ceke; Yen ma cego nyinge ku musonge ceke;

¹⁰Yedi ku lim ceke; Gin ma lak ku winyo ma ju bombgi;

¹¹Ju m’ubimo mi ng’om ku kodhidhanu ceke; Judongomawijo ku jupoklembe ceke mi ng’om;

¹²Awobi ku nyir bende; Dhanu m’uti ku nyithindho:

¹³Wek gipak nying’ Yehova; Kum nyinge kende dodre: Dwong’ pare ni malu wi ng’om ku polo.

¹⁴Man eting’o tung mi dhanu pare, Pak mi jumaleng’ pare ceke: En e mi nyithindho mir Israel, dhanu ma ni ceng’ni kude. Wupak Yehova.