Read Alur Zaburi 149 Bible Online

Zaburi 149 - Alur bible

Zaburi 149

¹Wupak Yehova. Wuwer wer ma nyen ni Yehova, Man pak pare i cokri mi jumaleng’.

²Wek anyong’a neg Israel ni kume m’ecwie: Wek anyong’a neg nyithindho mi Sayuni kum Ubimo migi.

³Wek gipak nyinge i miel: Wek giwer pak ire kud umbukulumbu kud adungu.

⁴Kum anyong’a nego Yehova kum dhanu pare: Ebiruko ju ma mol ku both.

⁵Wek anyong’a neg jumaleng’ i dwong’: Wek giwer ni anyong’a wi kavuto migi.

⁶Wek pak ma malu pa Mungu bed i dhoggi, Man palamularu ma lake ario ubed i cing’gi;

⁷Kara ucul kwor kum thek, Man masendi wi kodhidhanu;

⁸Kara utwi ju m’ubimo migi ku nyoro, Man judongo migi ku gwang’ mi nyunyu;

⁹Kara utim lembapoka m’ubedo agora i wigi: Jumaleng’ pare ceke gibedo ku yung maeni. Wupak Yehova.