Read Alur Zaburi 17 Bible Online

Zaburi 17 - Alur bible

Zaburi 17

¹Winj lembe m’atira, E Yehova, cik ithi kum ywak para; Cik ithi kum rwo para, m’uai kud i dendhok mir abombi ngo.

²Wek lembapoka para ai i vuti; Wek weng’i nen wi lembe m’atira.

³Imulo i adundena; iliewa ku diewor; Imulo ia, man inwang’u gin moko ngo; Akeco kud i ia ya dhoga kud udubi.

⁴Pi tic mi dhanu, ku lembe mi dendhoggi Agwokra ni yo mi jurop.

⁵Dakutielo para moko i yo peri, Tienda kier ungo.

⁶Alwong’i, kum ibiyi ira, E Mungu: Leng’ ithi yor i bang’a, man iwinj wec para.

⁷Nyuth mer mi bero peri ma wang’u ijo, E in m’ibodho ju m’upondo i beng’i ku cingi ma yor acwic Ni ju m’ugoyo korgi i kumgi.

⁸Gwoka calu nying’ wang’; Pana the tipopiny mi bombi,

⁹Ni judubo m’usenda, Ni judegi para mi nek, m’utieka gbur.

¹⁰Gitwio adundegi: Giyero kuhaya ku dhoggi.

¹¹Kawono gitiekowa i dakutielo mwa; Giketho wang’gi kara gibaiwa piny i ng’om.

¹²En e calu umvor m’ubedo kud awanya kum ayeki pare, Man calu nyathin umvor m’uriebre i kapondo.

¹³Ai, E Yehova, Cung i wang’e, iredhe piny: Bodh ng’eyong’ec para ni jadubo ku palamularu peri;

¹⁴Bodha ni dhanu ku cingi, E Yehova, Ni dhanu m’i ng’om, ma makapiny migi ni i kwo maeni, M’ipong’o igi ku piny m’akana peri: Cwinygi kwio kum nyithindho, Man giweko dong’ piny migi ba nyithindho migi ma thindho.

¹⁵An re, abineno weng’i i bedopwe; Cwinya bikwio, kinde m’aceu, ku neno ayini.