Read Alur Zaburi 20 Bible Online

Zaburi 20 - Alur bible

Zaburi 20

¹Yehova lok iri lembe i ceng’ mi can: Nying’ Mungu pa Yakobo ting’i malu;

²Eor kony iri kud i kamaleng’, Man ejengi kud i Sayuni;

³Epoi kum girathiera peri ceke, Man ejol lam m’awang’a peri; [Sela.

⁴Emi iri yeny ma adundeni yenyo, Man etim lembapora peri kakare.

⁵Wabisagu ni kum both peri, Man wabiting’o abera mwa malu i nying’ Mungu mwa: Dong’ Yehova tim penji peri ceke kakare.

⁶Kawono ang’eyo nia Yehova bodho ng’atu m’ewiro pare; Ebiloko ire lembe kud i polo pare ma leng’ Ku tego mi both mi cinge ma yor acwic.

⁷Jumoko geno magali, jumoko ke riuni; Ento wabiyero pi nying’ Yehova Mungu mwa.

⁸Gigung’ piny man gipodho; Ento waai, man wacungo atira.

⁹Bodh, Yehova: Wek Ubimo lok iwa lembe kinde ma walwong’o.