Read Alur Zaburi 24 Bible Online

Zaburi 24 - Alur bible

Zaburi 24

¹Ng’om en e pa Yehova, ku gin ceke m’upong’ i ie; Ng’om, ku ju m’ubedo i ie.

²Kum eketho thepiny en wi nam, Man eketho ecungo wi pi m’ucore.

³Ng’a ma biidho wi got pa Yehova? Man ng’a ma bicungo i kamaleng’ pare?

⁴Ng’atu ma cinge leng’, man adundene tar; M’uting’o ng’eyong’ec pare ngo ni ndra, Kadi m’ukwong’o kwong’ ku ndra ngo.

⁵Ebijolo mugisa ku ba Yehova, Man bedopwe ku ba Mungu mi both pare.

⁶Maeni en e dhanum’utuk mi ju m’uyenye, M’uyenyo weng’i, en e Yakobo. [Sela.

⁷Wuting’ wiwu malu, E wu dhugang’; Man wutingru malu, wu dhugola ma con: Man Ubimo mi dwong’ bimondo.

⁸Ng’a m’Ubimo mi dwong’i? En e Yehova ma tek man ratego, Yehova ratego i ali.

⁹Wuting’ wiwu malu, E wu dhugang’; Eyo, wuting’gi malu, wu dhugola ma con; Man Ubimo ma dwong’ bimondo.

¹⁰Ng’a m’Ubimo mi dwong’ maeni? Yehova mir udul, En e Ubimo mi dwong’. [Sela.