Read Alur Zaburi 26 Bible Online

Zaburi 26 - Alur bible

Zaburi 26

¹Pok lembe para, E Yehova, kum awotho ku bedocu para: Ageno Yehova bende ma cwinya ni ji ji ngo.

²Mul ia, E Yehova, man inena; Ponj adundena ku pidoia.

³Kum mer mi bero peri ni i wang’a; Man awotho i lemandha peri.

⁴Abedo karacelo ku dhanu mi ndra ngo; Kadok weg abombi de abimondo karacelo kugi ngo.

⁵Adagu cokri mi jutim rac, Man abibedo karacelo ku judubo ngo.

⁶Abilogo cinga ma lembe mbe i wia: Abitieko pemblam peri kumeni, E Yehova;

⁷Kara aketh dwal mi foyofoc uwinjre. Ayer de pi tic peri ceke ma wang’u ijo.

⁸Yehova, amaru kabedo mi ot peri, Man ka ma dwong’ peri bedo i ie.

⁹Kud icok ng’eyong’ec para karacelo ku judubo, Kadi kwo para ku dhanu mi rimo;

¹⁰Ma dubo ni i cing’gi, Man cinge ma yor acwic upong’ ku jamblembe.

¹¹Ento an, abiwotho ku bedocu para: Wara, man bed ku kisa i kuma.

¹²Tienda cungo i ka ma pap: Abimio mugisa ni Yehova i kind cokri.