Read Alur Zaburi 27 Bible Online

Zaburi 27 - Alur bible

Zaburi 27

¹Yehova en e der para ku both para; i Abilworo ng’a? Yehova en e tego mi kwo para; Lworo binega kum ng’a?

²Kinde ma jutim rac gibino i wia kara gicam ring’kuma, Cil jusend para ku judegi para, gikier man gipodho.

³Kadok udul giguro hema i kuma, Lworo binego adundena ngo: Kadok ali tuk i kuma, I maeni de abigeno gen.

⁴Gin acel apenjo ba Yehova, abiyenyo maeno: Kara abed i ot pa Yehova i nindo mi camung’om para ceke, Kara anen bero pa Yehova, Man kara apenj penji i hekalu pare.

⁵Kum i ceng’ mi can ebikana ling’ i hema pare: Ebikana i kapondo mi hema pare; Ebiting’a malu wi cana,

⁶Man kawono jubiting’o wia malu wi judegi para m’utieka; Man abithiero lam mir anyong’a i hema pare; Abiwero, eyo, abiwero pak ni Yehova.

⁷E Yehova, winj kinde m’aywak ku dwanda; Bed ku kisa i kuma, man ilok ira lembe.

⁸Kinde m’iwacu kumae, Wuyeny wa ng’a; adundena wacu iri kumae, Abiyenyo weng’i, Yehova,

⁹Kud ipan weng’i ira; Kud icor jatic peri cen ku ng’ecwiny: Idaru bedo jakonyna; Kud ibaya cen, kadok akuna de kud ikuna, E Mungu mi both para.

¹⁰Kinde ma vwa ku ma gikuna, Yehova bilund ting’a malu.

¹¹Ponja ku yo peri, E Yehova; Man itel wia i yo m’atira, Kum judegina.

¹²Kud imia ni yeny ma jusend para yenyo: Kum jumulembe mi ndra giai i kuma, Man wadi ju ma yuyo migi en e rop.

¹³Tek ayio ngo nia abineno bero pa Yehova I ng’om mi ju ma kwo, nwang’u avoc.

¹⁴Kur Yehova; Bed tek, man wek adundeni bed ku tegocwiny; Eyo, kur Yehova.