Read Alur Zaburi 3 Bible Online

Zaburi 3 - Alur bible

Zaburi 3

¹Yehova, judegi para ginyai dit mire ma! Ju ma gigoyo korgi i kuma gi dupa.

²Ju m’uyero pi ng’eyong’ec para kumae gi dupa, Kony umbe ire ku ba Mungu. [Sela.[1]

³Ento in, E Yehova, in i ban i kuma; Dwong’ para, man jating’ wia.

⁴Alwong’o Yehova ku dwanda, Man edwoko ira lembe kud i got pare ma leng’. [Sela.

⁵Avuto piny man anindo; Aceu; kum Yehova gwoka.

⁶Lworo binega ngo kum dhanu rubanga apar Ma gikethri gigi i kuma gbur.

⁷Ai, E Yehova; lara, E Munguna: Kum igoyo judegi para ceke wi cogo lim; Ituro lak judubo.

⁸Both en e pa Yehova: Mugisa peri bedwi dhanu peri. [Sela.