Read Alur Zaburi 30 Bible Online

Zaburi 30 - Alur bible

Zaburi 30

¹Abiyungi, E Yehova; kum iting’a malu, Man iketho anyong’a nego judegi para ngo i kuma.

²E Yehova Mungu para, Aywak i beng’i, man icanga.

³E Yehova, iwodho ng’eyong’ec para kud i liel: Igwokama kwo, karakud alor pinyi vur.

⁴Wuwer pak ni Yehova, E wu jumaleng’ pare, Man wufoi nyinge ma leng’ ma mi poi.

⁵Kum ng’ecwiny pare en e mi nindo ma nyanok; Kwo ni i bero pare: Ywak copo bedo ku diewor, Ento anyong’a bino kugweno.

⁶An, awacu kinde ma lembe bedo miero ira kumae, Cwinya biringo ki ngo.

⁷In i Yehova, idwoko got para tek ku bero peri: Ipanu weng’i; can unega.

⁸Aywak i beng’i, E Yehova; Man akwayu Yehova:

⁹Kuloka ang’o i rimba, kinde m’aloro piny i vuri? Utur bipeki? ebiyero pi lemandha peri?

¹⁰Winj, E Yehova, man ibed ku kisa i kuma: Yehova, bed jakony para.

¹¹Iloko ywak para ni miel; Igonyo kendi para mi gonia, man ironya ku mutoro;

¹²Kara dwong’ para wer pak i beng’i, man kud ebed ling’. E Yehova Mungu para, abifoi rondo ku rondo.