Read Alur Zaburi 32 Bible Online

Zaburi 32 - Alur bible

Zaburi 32

¹Mugisa ni ng’atu ma juweko kier pare, Ma juumo dubo pare.

²Mugisa ni ng’atu ma Yehova kwanu kier pare ngo, Man ma tipone mbe kud abombi.

³Kinde m’aling’, cogona tal Ni kum cur para ma ceng’ du.

⁴Kum cingi bedo pek i wia dieceng’ ku diewor: Kuma m’ukwio lokre ni lietho ma kec mi oro. [Sela.

⁵Atuco dubo para iri, Man kier para amung’o ngo: Awacu kumae, Abituco camuco para ni Yehova: Man iweko kier mi dubo para.

⁶Pi maeni wek dhanu ceke ma ayi Mu ngu ni kumgi girwo i beng’i i nindo ma junweng’i i ie: Andha kinde ma pi ma dit ucore piny gibitundo i bang’e ngo.

⁷In i kapondo para; ibigwoka ni can; Ibitieka ku wer mi both. [Sela.

⁸Abidwoki riek man abiponji ku yo m’ibiwotho i ie: Abimio iri rieko lembe ku wang’a ma ni i wii.

⁹Kud ibed calu riuni, kadi calu kana, ma ng’eyothelembe mbe kugi; Ma maku jambwoth migi bed utwindi ku del kara utwinygi, Tek kumeno ngo gibibino ceng’ni i beng’i ngo.

¹⁰Can dupa bibedo ni judubo; Ento ng’atu m’ugeno Yehova, mer mi bero bitieke gbur.

¹¹Anyong’a negwu ni kum Yehova, man wufoi, wu weg bedopwe; Man wukok ni mutoro, wun ceke ma wubedo atira i adundewu.