Read Alur Zaburi 35 Bible Online

Zaburi 35 - Alur bible

Zaburi 35

¹E Yehova, ii ku ju m’uii kuda: Kied ku ju m’ukiedo kuda.

²Mak ban ku thungu, Man icung ni kony para.

³Wodh tong’ woko bende, man icik yo ni ju m’uriema: Wac ni ng’eyong’ec para kumae, An a both peri.

⁴Wek lewic uneg ju m’uyenyo ng’eyo ng’ec para man ikab yung migi; Wek ju m’uporo lembe rac i kuma dok cen man cwinygi ng’abre.

⁵Wek gibed calu cung’ i wang’ yamu, Man malaika pa Yehova cwalgi.

⁶Wek yo migi bed via via man foth, Man malaika pa Yehova riemgi.

⁷Kum gikanu voi migi ira i vur ma lembe mbe; Gitong’o vur pi ng’eyong’ec para ma lembe mbe.

⁸Wek nyoth ubin i wie m’eng’eyo ngo; Man wek voi pare m’ekanu make gire: Wek epodh i ie ku nyoth.

⁹Man anyong’a binego ng’eyong’ec para ni kum Yehova: Anyong’a binege ni kum both pare.

¹⁰Cogo para ceke biwacu kumae, Yehova, ng’a ma calu in, Ma bodho jacan ni ng’atu m’usage, Eyo, jacan ku jacanpiny ni ng’atu m’uyaku piny pare?

¹¹Jumulembe mi gondri giai: Gipenja pi gin m’ang’eyo ngo.

¹²Gimio ira lem ma rac kum lem ma ber, Kara, unyai can i ng’eyong’ec para.

¹³Ento an, kinde ma kumgi lith, kendi para en e gonia: Asendo ng’eyong’ec para ku kwiro cam; Man rwo para dwogo i kora gira.

¹⁴Atimbra gira calu en e jarimba kadi umira: Agung’ piny ku ywak, calu ng’atu m’uywagu min.

¹⁵Ento anyong’a negogi kum ruvwa para, man gicokri gigi karacelo: Jurop gicokri gigi karacelo i kuma, man ang’eyo maeni ngo;

¹⁶Calu jucac mir acidi dhu cam, Gikayu lakgi i wia.

¹⁷Rwoth, ibineno bang’e rokani? Bodh ng’eyong’ec para ni nyoth migi, Kwo para ma pire tek ni umvor.

¹⁸Abifoi i cokri ma dit: Abipeki kind dhanu dupa.

¹⁹Anyong’a kud uneg judegina i kuma ma there mbe; Kadok ju m’udaga de ku gimi wang’gi i kuma ma lembe mbe.

²⁰Kum giyero pi kwiocwiny ungo; Ento giporo lembabombi kum ju m’ubedo yo i ng’om.

²¹Eyo, ging’amu dhoggi lac i kuma; Giwacu kumae, Sio, sio, wang’wa nene.

²²Ineno maeni, E Yehova; kud iling’: E Yehova, kud ibed bor kuda.

²³Ai, man iceu pi pokolembe m’uroma, En e kum lembe para, Munguna man Rwodha.

²⁴Pok lembe para, E Yehova Munguna, calku bedopwe peri; Man kud iyi anyong’a neggi i kuma.

²⁵Kud iyi giwac kumae yor i adundegi, Sio, wayenyo ebed kumeno: Kud iyi giwac kumae, Wamwonye.

²⁶Wek lewic kud ang’abacwiny de mak ju ma mutoro negogi kum can para: Wek lewic ku jwig umak ju ma gidodri gigi i kuma.

²⁷Wek ju ma anyong’a negogi kum bedo pwe para, gikok ku mutoro man anyong’a neggi: Eyo, wek giwac kumae, thiri thiri, Yehova bed dwong’, Ma anyong’a nege kum mierolembe pa jatic pare.

²⁸Man leba biweco pi bedopwe peri Man pi pak peri ceng’ du.