Read Alur Zaburi 38 Bible Online

Zaburi 38 - Alur bible

Zaburi 38

¹E Yehova, kud ijuka ku kwinyo peri; Kadok aponja de kud iponja ku ng’ecwiny peri ma lake tek.

²Kum athero peri moko ki i ia, Man cingi dia lith.

³Bedobo moko mbe i ring’kuma ni kum kwinyo peri; Kadok yom moko de mbe i cogona ni kum dubo para.

⁴Kum kier para umo wia: Calu ter ma pek ginura.

⁵Lero para ging’wi man gitop, Ni kum kasegu para.

⁶Ani i remokum man agung’ piny hai; Acikuywak ceng’ du.

⁷Kum piera pong’ ku mac; Man bedobo moko mbe i ring’kuma.

⁸Avoc man atur ceke: Acur ni kum yom m’umbe i adundena.

⁹Rwoth, yeny ma ia yenyo ceke ni i weng’i; Man cur para bedo apana ngo iri.

¹⁰Adundena piei kpli kpli, tegona rwinyo ira: Der mi wang’a, eweka bende.

¹¹Ju m’umara ku juwada gicungo ku bor ni thotok para; Man wat para gicungo ku bor.

¹²Ju m’uyenyo kwo para bende giciko uwic ira; Man ju m’uyenyo gitima rac giweco lem ma rac, Man igi pido lembabombi ceng’ du.

¹³Ento an, a calu ng’atu m’udhing’, awinjo ngo; Man a calu ng’atu m’ajuba ma alu dhoge ngo.

¹⁴Eyo, an a calu ng’atu ma winjo ngo, Ma dhoge mbe ku juk kum wadi.

¹⁵Kum ageno in, E Yehova: Ibidwoko lembe, E Rwoth Munguna.

¹⁶Kum awacu kumae, Anyong’a maru negogi i kuma: Kinde ma tienda kier, giyungri gigi i kuma.

¹⁷Kum ani ceng’ni podho, Man can para ni i wang’a thiri thiri.

¹⁸Kum abituco kier para; Can binega kum dubo para.

¹⁹Ento judegina kumgi leng’, man gi tek; Man ju m’udaga ma lembe mbe gimedri.

²⁰Gin bende ma gimio gin ma rac kawang’ gin ma ber Gi jusend para, kum alubo tok gin ma ber.

²¹Kud ikuna, E Yehova: E Munguna, kud ibed bor kuda.

²²Tim pio ikonya ko, E Rwoth, ma both para.