Read Alur Zaburi 39 Bible Online

Zaburi 39 - Alur bible

Zaburi 39

¹Awacu kumae, Abiketho cwinya kum yo para, Kara kud adub ku leba: Abikuro dhoga kud utwindi, Kinde ma jadubo ni i wang’a.

²Aweco ngo abedo ling’, aling’, man juk umbe; Man can para sagre.

³Adundena reuni yor i ia; Kinde ma ia bepido mac uopo; Alund awacu ku leba kumae:

⁴Yehova, keth ang’ei kajik para, Man kapor mi nindo para, ram ebedo ko; Wek ang’ei maram ang’ec ko.

⁵Nen, iketho nindo para ro ku laccing’; Man nindo mi camung’om para en e calu gin moko ngo i weng’i: Andha ku ba dhanu ceke en e mananu kende i bedo pare ma cu. [Sela.

⁶Andha ku ba dhanu ceke ng’atuman wotho calu tipopiny; Andha cwinygi ringo mananu: Edhuro lonyo, man eng’eyo ngo ng’atu ma bicokogi.

⁷Man kawono, Rwoth, akuro ang’o? Genogen para ni i beng’i.

⁸Bodha ni camuco para ceke: Kud iketha ni cac ni jukusegu.

⁹Abedo ling’ aalu dhoga ngo; Kum itimo maeni.

¹⁰Kab goc peri i bang’a: Ayeu ku goc mi cingi.

¹¹Kinde m’iponjo ng’atu moko ku juk pi kier, Irwinyo bero pare calu abirbir: Andha ku ba dhanu ceke gi gin ma ie nanu. [Sela.

¹²Winj rwo para, E Yehova, man icik ithi ni ywak para; Kud iling’ ni piwang’a: Kum an a jawirok iri, An a umondo, calu kwaru para ceke.

¹³A weka, kara adok tek kendo, Ma fok’acidho kamange ngo, man abedo mbe kendo.