Read Alur Zaburi 40 Bible Online

Zaburi 40 - Alur bible

Zaburi 40

¹Akuro Yehova ku twiocwiny; Man eleng’o ithe i bang’a; man ewinjo ywak para.

²Eting’a kud i vur mi nyoth, kud i ulobo mi codho; Man eketho tienda wi cana, man eketho woth para cungo.

³Man eketho wer ma nyen i dhoga, en e pak ni Mungu mwa: Dhanu dupa bineno maeni, man lworo binegogi, Man gibigeno Yehova.

⁴Mugisa ni ng’atu m’uketho Yehova ni genogen pare, Man m’uneno weg kuhaya ngo, man wadi ju ma lokri cen ba lemndra.

⁵Tic ma wang’u ijo m’itimo gi dupa, E Yehova Mungu para, Man pidoic peri ma ni yor i bang’wa: Gicopo kwandri ngo kud i beng’i; Tek ayenyo ayer awec pigi, Gisagu ma jucopo kwanu.

⁶Anyong’a negi ngo kum lam ku girathiera; Iyabu itha: Ilwong’o lam m’awang’a ngo ku lam mi dubo de ngo.

⁷Alund awacu kumae, Nen, abino; I mbaya mi kitabu egore pira kumae:

⁸Anyong’a nega kum timo yeny m’iyenyo, E Munguna; Eyo, cik peri ni yor i adundena.

⁹Ayero lembanyong’a mi bedopwe i cokri ma dit; Nen, abicero dendhoga ngo, E Yehova, ing’eyo.

¹⁰Akanu bedopwe peri yo i adundena ngo; Ayero pi bedo mandha peri ku both peri; Mer mi bero peri ku lemandha peri amung’o ngo i cokri ma dit.

¹¹Kud icer ngisi peri ira, E Yehova; Wek mer mi bero peri ku lemandha peri gigwoka thiri thiri.

¹²Kum gin ma rac ma kwandre ngo tieka; Kier para ruba, ketho nia acopo neno malu ngo; Gi dit ma sagu yukwia; Man adundena weka.

¹³Anyong’a negi m’ilara ko, E Yehova: Tim pio kara ikonya, E Yehova.

¹⁴Wek lewic kud ang’abacwiny karacelo umak Ju m’uyenyo ng’eyong’ec para kara ginyothe: Wek julokgi cen man jujwiggi Gi ju ma anyong’a negogi kum tima rac.

¹⁵Wek gibed rwa kum lewic migi Gi ju ma giwacu ira kumae, Aha, aha.

¹⁶Wek anyong’a neg dhanu ceke m’uyenyi man mutoro neggi i kumi: Wek wadi ju m’umaru both peri giwac thiri thiri kumae, Yehova bed dwong’.

¹⁷Ento an a jacan man jacanpiny; Ere Rwoth ubepido pira: In i jakonyna man in i jabodhna; Kud igal, E Munguna.