Read Alur Zaburi 41 Bible Online

Zaburi 41 - Alur bible

Zaburi 41

¹Mugisa ni ng’atu m’upido pi jacan: Yehova bibodhe i ceng’ ma rac.

²Yehova bikure, man ebigwoke ma kwo, Man mugisa bikwanye i ng’om; Man kud imie ni yeny ma i judegi pare yenyo.

³Yehova bijenge wi kavuto mi mulima: Ipedho kavuto pare ceke i tho pare.

⁴Awacu kumae, E Yehova, bed ku kisa i kuma: Cang ng’eyong’ec para; kum adubo iri.

⁵Judegina giyero lem ma rac i kuma, gi wacu kumae, Ebitho awene, man nyinge rwinyi?

⁶Man tek ebino nena, eyero lemndra; Adundene coko kier i bang’e gire: Kinde m’ewok woko, eyero maeni.

⁷Dhanu ceke m’udaga gimung’ i kuma; Gipido lem ma rac i kuma.

⁸Giwacu kumae, Tho ma rac umoko ki i kume; Man kawono m’evuto ebiai kendo ngo.

⁹Eyo, jarimba ma wang’io kude, m’agene, M’ecamu kum kwen para, Eting’o ufunytiende i kuma.

¹⁰Ento in, E Yehova, bed ku kisa i kuma, man iting’a malu, Kara acul wang’e i kumgi.

¹¹Kum maeni ang’eyo nia anyong’a negi i kuma, Kum jadegina foire i kuma ngo.

¹²Man an, ijenga i bedocu para, Man iketha i weng’i mi nja.

¹³Mugisa bed ni Yehova, Mungu mir Israel, Ugambre rondo ku rondo cil rondo ku rondo. Amen, man amen.