Read Alur Zaburi 42 Bible Online

Zaburi 42 - Alur bible

Zaburi 42

¹Calu ruda yuyo tok kulo mi pi, E ng’eyong’ec para yuyo kumeca i toki, E Mungu.

²Rieu nego ng’eyong’ec para pi Mungu, pi Mungu ma kwo: Abibino awene m’anen ko wang’ Mungu?

³Piwang’a bedo ni cemo para dieceng’ ku diewor, Kinde ma giwacu ira thiri thiri kumae, Mungu peri ni kani?

⁴Apoi kum gin maeni, man akonjo ng’e yong’ec para ku yor i ia, Maram acidho ko kud udul, man atelo wigi ba ot pa Mungu, Ku dwal mi mutoro man pak, udul m’ubekuro ceng’ ma leng’.

⁵E ng’eyong’ec para, cwinyi dieng’ nedi? Man can unegi yor i ia nedi? Gen Mungu; kum fodi abipake Pi kony mi wang’e.

⁶E Munguna, ng’eyong’ec para podho yor i ia: Ka kumeni apoi piri kud i ng’om Yordan, Man Hermon, ku ba got Mizar.

⁷Nam ulwong’o nam ku badwal mi pi peri m’ukonjre: Mukura peri ceke ku ngongopi peri gikadhu i wia.

⁸Ento Yehova bing’olo mer mi bero pare ku dieceng’; Man ku diewor wer pare bibedo karacelo kuda, Rwo ma ni Mungu mi kwo para.

⁹Abiwacu ni Mungu ma cana para ku mae, Nedi wii wil i kuma? Nedi acidho ku can kum masendi mi judegi?

¹⁰Jusendna gicaya, calu jucobo cogona ku palamularu, Kinde ma giwacu ira thiri thiri kumae, Mungu peri ni kani?

¹¹Nedi ipodho, E ng’eyong’ec para? Man nedi can unegi yor i ia? Gen Mungu; kum fodi abipake, Ma en e kony mi wang’a, man Munguna.