Read Alur Zaburi 45 Bible Online

Zaburi 45 - Alur bible

Zaburi 45

¹Adundena pong’ hau ku lembe ma ber; Aweco: tic para en e ni ubimo: Leba en e kalamu pa jagorlembe ma pio.

²In i ber ma sagu nyithindho mi dhanu; Bero konjre i dendhogi: Ka kumeno Mungu mio mugisa iri mi nja.

³Twi palamularu peri i pieri, E ng’atu ma tek, Yung peri man dwong’ peri.

⁴Man iwoth miero i dwong’ peri, Kum lemandha ku bedomol man bedopwe: Man cingi ma yor acwic biponji ku gin ma ng’oyo ndiri.

⁵Athero peri lake bith; Kodhidhanu podho the tiendi; Gini i adunde judegi p’ubimo.

⁶Komker peri en e mi nja ku nja, E Mungu: Uluth m’atira en e uluth mi ker peri.

⁷Imaru bedopwe, man idagu dubo: Ka kumeno Mungu, Mungu peri, uwiri Ku mo mi mutoro ma sagu juwedu.

⁸Kendi peri ceke bedo ku ng’wic mo ma ng’ar, man udok ma ng’wice ng’ar, ku mugeju; Kud i udi ma beco, mi lakliec adungu ma juthondhe nyayu mutoro ii.

⁹Nyig ubimo gini i kind mon peri mi yung: Dhaku m’ubimo m’uronjre ku mola ma kwar mir Ofir ucungo yo ku cingi ma yor acwic.

¹⁰Winji, E nyaku, man ii pid, man icik ithi; Wii wil bende kum juthu, man pi ot pa wuru:

¹¹Kum kumeno ubimo bimaru leng’kumi: Kum en e rwoth peri; man ijwigri ire.

¹²Man nyar Turo bibedo keca ku giramia; Julonyo ma kind dhanu biyenyo bero i beng’i.

¹³Nyar ubimo en e dwong’ kwa yor i odker: Kendi pare en e mi thondh mola ma kwar.

¹⁴Jubitere bang’ ubimo ku kendi mi ruko: Nyir wadi m’ulube Jubikelogi i beng’i.

¹⁵Jubiterogi ma anyong’a ku mutoro benegogi: Gibimondo i odker p’ubimo.

¹⁶Nyithindho peri gibibedo kaka kwaru peri, M’ibikethogi ni judongomawijo i ng’om ceke.

¹⁷Abiketho jupoi kum nyingi i kind dhanum’utuk ceke: Ka kumeno kodhidhanu bifoi rondo ku rondo.