Read Alur Zaburi 46 Bible Online

Zaburi 46 - Alur bible

Zaburi 46

¹Mungu en e kapondo mwa man tego mwa, Kony ma nuti andha i can.

²Ka kumeno lworo binegowa ngo, kadok ng’om ulokre, Man kadok juyengo gudi i adunde mi nam;

³Kadok pi de woi man esendre, Kadok gudi miel ku kuhayane. [Sela.

⁴Kulo ma dit nuti, ma pige nyayu mu toro i adhura pa Mungu, Kamaleng’ mi hema pa Ng’atu ma Malu Ngbir.

⁵Mungu ni i diere; cwinye biringo ngo: Mungu bikonye, kinde ma piny uru.

⁶Kwinyo nego thek, man cwiny ker uringo: Ewodho dwande e ng’om uloi.

⁷Yehova mir udul ni i bang’wa; Mungu pa Yakobo en e kapondo mwa. [Sela.

⁸Wubin, wunen tic pa Yehova, Maram etimo ko uvuru i ng’om.

⁹Ekwio lwiny cil i kajik mi ng’om; Eturo atum, man etong’o i tong’ bwa; Ewang’u magali i mac.

¹⁰Wubed ling’, man wung’ei nia an a Mungu: Abibedo dwong’ i kind thek, abibedo dwong’ i ng’om.

¹¹Yehova mir udul ni kudwa; Mungu pa Yakobo en e kapondo mwa. [Sela.