Read Alur Zaburi 49 Bible Online

Zaburi 49 - Alur bible

Zaburi 49

¹Wuwinj maeni, wu kodhidhanu a ceke; Wucik ithwu, wu ju mi ng’om ngung’.

²Dhanu ma sai ku ju ma pigi yik, Julonyo ku jucan karacelo.

³Dhoga biyero rieko; Man lembapida mir adundena bibedo mi ng’eyothelembe.

⁴Abileng’o itha kum lembabola: Abiyabu lembayera para m’amung’a wi adungu.

⁵Nedi lworo nega i nindo mi lem ma rac, Kinde ma kier ma ni kum ufunytienda betieka gburi?

⁶Gi ju m’ugeno lonyo migi, Man giluli gigi kum udul lonyo migi;

⁷Ng’atu moko mbe m’i kindgi ma copo waru wadi i yo moko, Kadi ma mio jambwar pire ni Mungu

⁸(Kum war mi kwo migi welpinje dit, Man etimbre ngo mi nja),

⁹Kara ebed kwo mi nja, Kara kud enen top.

¹⁰Kum ebineno maeni. Dhanu ma riek githo; Jakasegu ku ng’atu ma cobo de girwinyo calacel, Man giweko lonyo migi ni jumange.

¹¹Pidoic migi ma yor i igi en e nia udi migi bibedo mi nja, Man kabedo migi cil kum dhanum’utuk ceke; Gilwong’o ng’om migi ku nying’gi gigi.

¹²Ento dhanu bedo asu ngo i yung: En e calu yedi ma rwinyo.

¹³Maeni yo migi en e rieko migi m’umbe: Ento yo ng’eigi dhanu yio lembayera migi. [Sela.

¹⁴Jukethogi calu udul rombe ni liel; Tho bibedo jakwac migi: Man ju m’atira bicamu ker i wigi kugweno; Man leng’kumgi bibedo ni liel kara udare, Kara kabedo moko bed umbe ire.

¹⁵Ento Mungu biwaru ng’eyong’ec para ni tego mi liel; Kum ebijola. [Sela.

¹⁶Lworo kud unegi kinde ma ng’atu moko lony, Kinde ma lonyo mi ot pare nyai:

¹⁷Kum kan etho ebiting’o gin moko ngo; Dwong’ pare biloro piny i toke ngo.

¹⁸Kadok kinde ma fodi e kwo emio mu gisa ni ng’eyong’ec pare (Man dhanu peki, kinde m’itimo ber i beng’i giri),

¹⁹Ebicidho ba dhanum’utuk mi kwaru pare; Gibineno der ki ngo.

²⁰Ng’atu ma won yung, ma ng’eyothe lembe de mbe kude, En e calu yedi m’urwinyo.