Read Alur Zaburi 52 Bible Online

Zaburi 52 - Alur bible

Zaburi 52

¹Nedi iluli giri kum lem ma rac, E dhanu ma teki? Mer mi bero pa Mungu bedo thiri thiri.

²Lebi pido pi dubo kende, Calu riedi ma bith, m’ubetimo kud abombi.

³Imaru gin ma rac ma sagu gin ma ber, Man ndra ma sagu weco bedopwe. [Sela.

⁴Imaru lembe ceke ma nyotho jo, E in i leb mir abombi.

⁵Mungu binyothi kumeni mi nja; Ebiting’i malu, man ebiwodhi woko kud i hema peri, Man ebimugi kud i ng’om mi ju ma kwo. [Sela.

⁶Weg bedopwe bende bineno, man lworo binegogi, Man gibing’iere, gibiwacu kumae,

⁷Nen, maeni en e ng’atu m’uketho Mu ngu ngo ni tego pare, Ento egeno lonyo pare ma dit, Man etegre gire i dubo pare.

⁸Ento an, an a calu yendulam m’uluk i ot pa Mungu: Ageno mer mi bero pa Mungu rondo ku rondo.

⁹Abifoyi nja, kum itimo maeni; Abigeno nyingi, kum en e ber, i vut jumaleng’ peri.