Read Alur Zaburi 56 Bible Online

Zaburi 56 - Alur bible

Zaburi 56

¹Dong’ kisa negi i kuma, E Mungu; kum dhanu giyenyo gimwonya: Ceng’ du ebekiedo etima ko rac.

²Judegina giyenyo gimwonya ceng’ du; Kum ju ma gikiedo ku kuhaya i kuma gi dupa.

³Nindo ma lworo nega i ie, Abigeni.

⁴Ni kum Mungu (abipaku lem pare), Ageno Mungu, lworo binega ngo; Ring’kum copo tima nedi?

⁵Ceng’ du giloko lembe para: Pidoic migi ceke ni i kuma pi lem ma rac.

⁶Gicokri gigi karacelo, gipondo gigi, Gilibo dakutielo para, Cil calu gikuro ng’eyong’ec para.

⁷Gibiboth ni kum kieri? Redh kodhidhanu piny ku ng’ecwiny, E Mungu.

⁸Ikwanu tagu para: Keth piwang’ para i cupa peri; Gini i kitabu peri ngo

⁹Judegina bilund dok cen i nindo m’alwong’o: Maeni ang’eyo, nia Mungu en e jabang’a.

¹⁰Ni kum Mungu (abipaku lembe pare), Ni kum Yehova (abipaku lembe pare),

¹¹Ageno Mungu, lworo binega ngo; Dhanu copo tima nedi?

¹²Lembang’ola peri ni i wia, E Mungu: Abiculo girathiera mi foyofoc iri.

¹³Kum ibodho ng’eyong’ec para kud i tho: Ibodho tienda ngo ni podho, Kara awoth i wang’ Mungu I der mi ju ma kwo?