Read Alur Zaburi 57 Bible Online

Zaburi 57 - Alur bible

Zaburi 57

¹Bed ku kisa i kuma, E Mungu, bed i ku kisa i kuma; Kum ng’eyong’ec para pondo i beng’i: Eyo, abipondo i tipopiny mi bombi, Cil ma lem ma rac maeni thum ko.

²Abiywak ba Mungu ma Malu Ngbir, Ba Mungu m’utimo gin ceke ira.

³Ebioro kud i polo, man ebibodha, Kinde ma ng’atu m’uyenyo mwonya cayu cac; [Sela. Mungu bioro mer mi bero pare ku lemandha pare.

⁴Ng’eyong’ec para ni i kind umvor; Avuto i kind ju ma jucwinyo ku mac, En e wot dhanu, ma lakgi tong’ kud athero, Man lebgi palamularu ma bith.

⁵Bed dwong’, E Mungu, malu ma sagu polo; Wek dwong’ peri bed malu ma sagu ng’om ceke.

⁶Giyiko voi ni dakutielo para; Ng’eyong’ec para gung’ piny: Gitong’o vur i wang’a; Gipodho i kinde gin. [Sela.

⁷Adundena moko ki, E Mungu, adundena moko ki: Abiwero, eyo, abiwero pak.

⁸Ceu, dwong’ para; ceu, nanga kud adungu: An gira abiceu pir.

⁹Abifoi, E Rwoth, i kind kodhidhanu: Abiwero pak iri i kind thek.

¹⁰Kum mer mi bero peri e dit cil kum polo, Man lemandha peri cil kum afuru.

¹¹Bed dwong’, E Mungu, malu ma sagu polo; Wek dwong’ peri bed malu ma sagu ng’om ngung’.