Read Alur Zaburi 58 Bible Online

Zaburi 58 - Alur bible

Zaburi 58

¹Wuyero lembe mi bedopwe andha i ka ma kende Wupoko lembe atira, E wu wot dhanu?

²Ungo, i adunde wutimo dubo; Wuporo rop mi cingwu i jampor i ng’om.

³Judubo gikoc kud i ic: Gikier ugambre ma junyologi, ma giyero ko ndra.

⁴Kwir migi e calu kwir mi thwol: Gi calu urobi m’udhing’ ma culo ithe,

⁵Ma winjo dwand weg ajoga ngo, Kadok etimo ajoga ku rieko dit.

⁶Tur lakgi i dhoggi, E Mungu: Tur lak ma dit mi nyithindh umvor, E Yehova.

⁷Wek gilui calu pi ma mol: Kinde m’eciko athero pare, wek gibed calu juthumogi woko.

⁸Wek gibed calu dholu ma lui man ma kadhu woko, Calu i dhaku ma dubre, ma fok uneno ceng’ ungo.

⁹Ma fodi agulu mu mulo mac mir ukudho ngo, Ebikabugi woko kud atido, ma numu ku m’uwang’ cal acel.

¹⁰Anyong’a binego won bedopwe kinde m’eneno culokwor: Ebilwoko tiende ku rimb judubo;

¹¹Ketho nia dhanu gibiwacu kumae, Andha sukulia nuti ni won bedopwe: Andha Mungu nuti ma poko lembe i ng’om.