Read Alur Zaburi 60 Bible Online

Zaburi 60 - Alur bible

Zaburi 60

¹E Mungu, ibayuwa, iturowa piny; Ng’ecwiny unegi; a dwokwa kendo.

²Iketho ng’om uyengre; iture: Cang ka m’uturne; kum eyengre.

³Inyutho gin ma tek ni dhanu peri: Iketho amadhu pigulok ma jukier ko.

⁴Imio abera ni ju m’ulwori, Kara juting’e malu ni kum lemandha. [Sela.

⁵Kara jumerni bothi, Bodh ku cingi ma yor acwic, man ilok iwa lembe.

⁶Mungu yero i leng’ pare kumae: Anyong’a binega; Abipoko Cekem, man abiporo poga mi Sukoth.

⁷Gilead en e para, man Manase en e para; Efraim bende en e tego mi wia; Yuda en e jamicik para.

⁸Moab en e jamblogo para; Abibayu wara para wi Edom: Filistia, kok ni kuma.

⁹Ng’a ma bikela i adhura ma teki? Ng’a m’utela bang’ Edomi?

¹⁰En e in ungo, E Mungu, m’ibayuwa? Man icidho woko ngo, E Mungu, kud udul mwa.

¹¹Mi iwa kony kum jasend; Kum kony mi dhanu en e mananu.

¹²Wabitimo gin ma dwong’ ni kum Mu ngu; Kum en e en m’ebinyono jusend mwa.