Read Alur Zaburi 61 Bible Online

Zaburi 61 - Alur bible

Zaburi 61

¹Winj ywak para, E Mungu; Nen ba rwo para.

²Abilwong’i kud i tung’ ng’om, kinde ma adundena voc: Tel wia ba cana ma malu ma saga.

³Kum ibedo kapondo ira, Ot ma tek ni jadegi.

⁴Abibedo i hema peri mi nja: Abiringo i kapondo mi bombi. [Sela.

⁵Kum in, E Mungu, iwinjo lembang’ola para: Imio ira aba mi ju m’ulworo nyingi.

⁶Ibimedo nindo mi camung’om p’ubi mo; Rundi pare bibedo calu dhanum’utuk dupa.

⁷Ebibedo i wang’ Mungu rondo ku rondo: A yik mer mi bero ku lemandha, kara gigwoke.

⁸Kum kumeno abiwero pak ni nyingi mi nja, Kara atim lembang’ola para ku ba ceng’.