Read Alur Zaburi 63 Bible Online

Zaburi 63 - Alur bible

Zaburi 63

¹E Mungu, in i Mungu para; abiyenyi ku cwinya ceke: Rieu ma piri nego ng’eyong’ec para, man avani nego ring’kuma, I ng’om m’uthwo mi olo, ka ma pi mbe i ie,

²Aneni kumeni i kamaleng’, Kara anen tego peri ku dwong’ peri.

³Kum mer mi bero peri e ber ma sagu kwo, Dendhoga bipeki.

⁴Kum kumeno abimio mugisa iri kinde m’abedo kwo: Abithang’u cinga malu ni kum nyingi.

⁵Ng’eyong’ec para biyeng’ calu ku mo man mio; Man dhoga bipeki ku dendhoga m’anyong’a nego;

⁶Kinde m’apoi piri wi kavuto para, Man ia pido piri i kur mi diewor.

⁷Kum idaru bedo jakonyna, Man anyong’a binega i tipopiny mi bombi.

⁸Ng’eyong’ec para lubo toki pir: Cingi ma yor acwic ujenga.

⁹Ento ju m’uyenyo ng’eyong’ec para, kara ginyothe, Gibiloro i ng’et ng’om ma yo piny.

¹⁰Jubimiogi ni tego mi palamularu: Gibibedo ni ng’etpiny mi kaki.

¹¹Kum anyong’a binego ubimo ni kum Mungu: Ku ba dhanu ceke m’ukwong’o kude kwong’ bilulo: Kum jubiciko dhu ju ma yero ndra.