Read Alur Zaburi 64 Bible Online

Zaburi 64 - Alur bible

Zaburi 64

¹Winj dwanda i ywak para, E Mungu: Gwok kwo para ni lworo pa jadegi.

²Pana ni lembapora ma mung’ mung’ mi jutim rac, Ni udul mi jutim kier;

³Ma paku lebgi calu palamularu, Man giciko athero migi, en e lembe ma kec,

⁴Kara gikii ng’atu ma cu i ka m’aponda: Gikile pio, man lworo negogi ngo.

⁵Gidwoko cwinygi gigi tek ku lembakeca ma rac; Giweco mung’ mung’ mi ciko uwic ling’; Giwacu kumae, Ng’a ma binenogi?

⁶Giyenyo kier; Giwacu kumae, Wadaru yenyo cu: Man pidoic ma yor i ic kud adunde mi dhanu kubang’gi kubang’gi e thuth.

⁷Ento Mungu bikilogi; Jubitong’o lero i kumgi pio kud athero.

⁸Kum kumeno jubiketho gikier, ma lebgi gigi ni i kumgi: Dhanu ceke m’unenogi biyengo wigi.

⁹Man lworo binego dhanu ceke; Man gibiyero pi tic pa Mungu, Man igi bipido ku rieko kum gin m’etimo.

¹⁰Anyong’a binego ng’atu ma pwe ni kum Yehova, man ebipondo i bang’e; Man dhanu ceke ma adundegi atira gibiluli.