Read Alur Zaburi 65 Bible Online

Zaburi 65 - Alur bible

Zaburi 65

¹Pak ubekuri, E Mungu, i Sayuni; Man jubitimo lembang’ola iri.

²E in m’iwinjo rwo, Weg kum ceke bibino i beng’i.

³Kier usagu i kuma: Kier mwa, ibiweko gi woko.

⁴Mugisa ni ng’atu m’igoyo wie, m’iketho ecoro i beng’i, Kara ebed i lelagang’ peri: Cwinywa bikwio ku bero mi ot peri, Hekalu peri ma leng’.

⁵Ibiloko lembe iwa i bedopwe ku gin ma ng’oyo ndiri, E Mungu mi both mwa, In m’i genogen mi tung’ ng’om ceke, Man mi ju ma gini bor wi nam:

⁶M’eketho gudi moko ku tego pare, M’ebedo atwia ku tego;

⁷M’ekwio woi mi nam, Woi mi mukurane, Man yakni mi kodhidhanu.

⁸Ju m’ubedo yo ku ma bor hai bende lworo negogi kum giranyutha peri: Iketho anyong’a nego wokwoko mi kugweno kud uthieno.

⁹Iliewo ng’om, man ikwoyo wie pi, Idwoke mio hai; Kulo pa Mungu pong’ ku pi: Iketho cam uwok igi, kinde m’iyiko ng’om kumeni.

¹⁰Ikwoyo pi wi thungulung’om m’usagre; Iloyo i lungune: Idwoke yom ku koth; Imio mugisa wi gin m’utwine.

¹¹Iketho bero peri wi rundi ni jamkermiwic; Man yo peri tono mio.

¹²Giton wi kakwae mi langa; Man ungulu gudi ronjre ku mutoro.

¹³Kakwae ubedo aronya kud udul lim; Poga bende bedo auma ku cam; Gikok ku mutoro, giwer bende.