Read Alur Zaburi 66 Bible Online

Zaburi 66 - Alur bible

Zaburi 66

¹Wuwoi ku mutoro ni Mungu, wu ng’om yu:

²Wuwer pi dwong’ mi nyinge: Wuketh pak pare bed mi yung.

³Wuwac ni Mungu kumae, Tic peri gin ung’oindiri mire ma! Ni kum tego peri ma dit judegi peri bimondo gigi i beng’i.

⁴Ng’om yu birwo iri, Man ebiwer iri: Gibiwer ni nyingi. [Sela.

⁵Wubin, man wunen tic pa Mungu; En e ung’oindiri i tim pare yo ba nyithi dhanu.

⁶Eloko nam ni ng’om m’uthwo; Gikadhu kulo ma dit ku tiendgi: Anyong’a negow a keca ni kume.

⁷Ebimo ku tego pare mi nja; Wang’e neno thek: Juco ku gitingri gigi. [Sela.

⁸A wumi mugisa ni Mungu mwa, wu kodhidhanu, Man wuketh dwal mi pak pare winjre;

⁹M’eketho ng’eyong’ec mwa bedo kwo, Man eyio ngo nia tiendwa kier.

¹⁰Kum in, E Mungu, imulo iwa: Iponjowa, calu juponjo mola ma tar.

¹¹Iroyowa i voi; Iketho lem ma tek i pierwa.

¹²Iketho dhanu wotho i wiwa; Wakadhu kud i mac man kud i pi; Ento iwodhowa woko ka mi lonyo.

¹³Abimondo i ot peri ku lam m’awang’a; Abitimo lembang’ola para iri,

¹⁴Ma dendhoga yero, Ma dhoga yero de, kinde m’ani i lem ma tek.

¹⁵Abithiero lam m’awang’a ma mio iri, Ku dwolo mi nyogi rombe; Abithiero thwoni dhiang’ ku diegi. [Sela.

¹⁶Wubin, man wuwinji, wun ceke ma wulworo Mungu, Man abiyero pi gin m’etimo ni ng’eyong’ec para.

¹⁷Aywak i bang’e ku dhoga, Man leba pake.

¹⁸Tek aneno kier i adundena, Rwoth biwinja ngo:

¹⁹Ento Mungu winjo andha; Ewinjo dwal mi rwo para.

²⁰Mugisa bed ni Mungu, Ma loko rwo para cen ungo, Kadi mer mi bero pare kud i bang’a.