Read Alur Zaburi 68 Bible Online

Zaburi 68 - Alur bible

Zaburi 68

¹Wek Mungu ai, wek judegi pare lal; Wek ju m’udage bende giring i wang’e.

²Calu yiro ma duny woko, lekgi woko kumeca: Calu udok loi i wang’ mac, Wek judubo girwiny kumeca ni kum wang’ Mungu.

³Wek anyong’a neg weg bedopwe; wek giluli i wang’ Mungu: Eyo, wek anyong’a neggi ku mutoro.

⁴Wuwer ni Mungu, wuwer pak ni nyinge: Wuyik yo ni ng’atu m’uringo kud i langa; Nyinge Yehova; man anyong’a negwu i wang’e.

⁵Mungu en e won kic, man japoklembe mi mon ma coggi tho, I kabedo pare ma leng’.

⁶Mungu ketho dhanu m’ubedo kendgi gibed ni juudi: Ewodho jukol woko eketho gimondo i lembe ma miero; Ento juco gibedo i ng’om ngele.

⁷E Mungu, kinde m’icidho woko i wang’ dhanu peri, Kinde m’ikadhu kud i yamba; [Sela.

⁸Ng’om uyengre, Polo bende konjo koth i wang’ Mungu: En e Sinai bende eyengre i wang’ Mungu, Mungu mir Israel.

⁹In, E Mungu, ikonjo koth ma dit, Kinde ma aba peri voc, idwoke tek,

¹⁰Udul dhanu peri gibedo i ie: In, E Mungu, iyiko kum bero peri ni jucan.

¹¹Rwoth mio lembe: Mon m’urweyo rwonglembe gin udul ma dit.

¹²Ubimo mi njuru asikari giringo, giringo; Man ng’atu m’ubedo pacu epoko ayeki.

¹³Kinde ma wuvuto i kind kakwae mi rombe, En e calu bomb akuru m’ubedo auma ku mola ma tar, Man yuke ku mola ma kwar ma foo.

¹⁴Kinde ma Ng’atu ma Jategokpo lalu ju m’ubimo i ie, En e calu pei m’upodho wi Zalmon.

¹⁵Got pa Mungu en e got mi Bacan; Got ma wiu en e got mi Bacan.

¹⁶Nedi wucido weng’u, wu gudi ma wiu, Ba got ma Mungu yenyo ni kabedo pare? Eyo, Yehova bibedo i ie mi nja.

¹⁷Magali pa Mungu gi rubanga pier ario, cil rubanga wi rubanga: Rwoth ni i kindgi, calu i Sinai, i kamaleng’.

¹⁸Iidho malu, itelo wi ng’eca; Ijolo giramia i kind dhanu, Eyo, kind juco bende, kara Yehova Mungu bed kugi.

¹⁹Mugisa bed ni Rwoth, m’eyeyo ter mwa ceng’ ku ceng’, En e Mungu ma both mwa. [Sela.

²⁰Mungu en e Mungu mi both iwa; Man lembe mi both abotha ni tho en e pa Yehova ma Rwoth.

²¹Ento Mungu bing’enyo wi judegine, Dend yukwic pa wadi ng’atu ma wotho asu ku dubo pare.

²²Rwoth uwacu kumae, Abikelo kendo kud i Bacan, Abikelogi kendo kud i thuth mi nam;

²³Kara inyongi, m’ilutho tiendi i rimo, Kara leb gwogi peri bed ku makapiny pare mi judegini.

²⁴Gineno woth peri, E Mungu, En e woth pa Mungu para, Ubimo para, i kamaleng’.

²⁵Juwer gilar gicidho, weg adungu gilubo tokgi, I kind nyir ma gigoyo umbukulumbu.

²⁶Wumi mugisa ni Mungu i cokri, En e Rwoth, wun ma wu mi kulo mir Israel.

²⁷Benyamin ma nok en e jabim migi, Judongomawijo mi Yuda man juporlembe migi, Judongomawijo mi Zebulun, judongomawijo mi Naftali.

²⁸Mungu peri ng’olo pi tego peri: Dwok gin m’itimo iwa tek, E Mungu.

²⁹Ni kum hekalu peri i Yerusalem Ju m’ubimo bikelo giramia iri.

³⁰Juk yedi ma i usi, Udul thwoni dhiang’, ku nyithi dhiang’ mi kodhidhanu, M’ibenyono ng’et mola ma tar the tielo: Elalu kodhidhanu m’umaru ali.

³¹Judongomawijo biai kud i Misiri; Ethiopia bithang’u cinge pio ba Mungu.

³²Wuwer ni Mungu, wu ker m’i ng’om; A wuwer pak ni Rwoth; [Sela.

³³Ni ng’atu ma wotho wi polo m’i polo, ma en e ma con; Nen, ewodho dwal, en e dwal ma tek.

³⁴Wuwac nia Mungu bedo ku tego: Dwong’ pare ni wi Israel, Man tego pare ni i afuru.

³⁵E Mungu, in i ung’oindiri kud i kamaleng’ peri: Mungu pa Israel, emio tek ku tego ni dhanu pare. Mugisa ni Mungu.