Read Alur Zaburi 74 Bible Online

Zaburi 74 - Alur bible

Zaburi 74

¹E Mungu, ibayuwa mi nja nedi? Nedi ng’ecwiny peri winyo yiro kum rombe mi kwac peri?

²Poi pir udul peri, m’ing’iewo con, M’iwaru kara ubed suru mir aba peri; Man got Sayuni, m’ibedo i ie.

³Ting’ tiendi ba nyoth mi nja, Lem ma rac ceke ma jadegi timo kum kamaleng’.

⁴Jusend peri giwoi i kind cokri peri; Giketho abera migi ni giranuytha.

⁵Ginen calu dhanu m’uting’o Lei kum luli mi yen.

⁶Man kawono gituro jambrukone ceke piny Ku lei man nyondro.

⁷Gicwinyo kamaleng’ peri; Gicido kabedo mi nyingi ku redhe i ng’om.

⁸Giwacu i adundegi kumae, Dong’ wanyothugi karacelo: Giwang’u kacokri pa Mungu ceke mi ng’om.

⁹Waneno giranyutha mwa ngo: Jabila moko mbe kendo; Kadok i kindwa de ng’atu moko mbe m’ung’eyo ya rokani.

¹⁰E Mungu, jasend bicayu cac rokani? Jadegi bicido nyingi mi nja?

¹¹Nedi idolo cingi, en e cingi ma yor acwici? Wodhe kud i kori man inyothgi.

¹²Ento Mungu en e Ubimo para ma con. M’ebetimo both i die ng’om.

¹³Ipoko nam ku tego peri: Ituro wi rau mi nam i pi.

¹⁴Ituro wi nyang’ ma dit mi pi nziki nziki; Imie ebed ni cemo ni dhanu m’i yamba.

¹⁵Ipoko kulo ku pi m’upong’: Idwono kulo ma dit.

¹⁶Dieceng’ en e peri, diewor de en e peri: Iketho der ku ceng’.

¹⁷Iketho kieu ceke mi ng’om: Itimo nindo mi lietho ku nindo mi koyo.

¹⁸Poi kum maeni, nia jadegi cayu cac, E Yehova, Man nia dhanu ma kitgi mbe gicido nyingi.

¹⁹A kud imi ng’eyong’ec mir akuru peri ni yedi m’i thim: Wii kud uwil kum kwo mi jucan peri mi nja.

²⁰Nen ba lembariba; Kum ka ma col mi ng’om upong’ ku kabedo mi rop.

²¹A kud iyi ju ma jusendogi gidwog ku lewic: Wek jucan ku jucanpiny gipak nyingi,

²²E Mungu, ai, cung kum lembe peri giri: Poi maram ng’atu ma kite mbe cei ko ceng’ du.

²³Wii kud uwil kum dwand jusend peri: Yakni mi ju m’uai i kumi idho malu thiri thiri.