Read Alur Zaburi 75 Bible Online

Zaburi 75 - Alur bible

Zaburi 75

¹Wafoi, E Mungu; Wafoi, kum nyingi ni ceng’ni: Dhanu yero pi tic peri ma wang’u ijo.

²Kinde m’abinwang’u nindo ma juketho, Abipoko lembe atira.

³Ng’om uloi ku dhanu m’ubedo i ie ceke: Aketho mbegine malu. [Sela.

⁴Awacu ni ju m’utingri kumae, Kud wutim ku tingri; Man ni judubo kumae, Kud wuting’ tung malu:

⁵Kud wuting’ tung mu malu: Kud wuyer ku ng’ut m’ucikre.

⁶Kum dodojo ai yo nyangu, kadi yo reto, Kadi yor ariwa ma piny de ngo.

⁷Ento Mungu en e japoklembe: Ejwigo acel, man edodo mucelo.

⁸Kum kikombe ni i cing’ Yehova, man pigulok yenyo; Epong’ ku girajeba, man ekonjo kum maeno: Andha judubo ceke m’i ng’om gibiluro durune, man gibimadhugi.

⁹Ento abiyero nja, Abiwero pak ni Mungu pa Yakobo.

¹⁰Abithumo tung ceke mi judubo woko bende; Ento tung mi weg bedopwe bitingre malu.