Read Alur Zaburi 79 Bible Online

Zaburi 79 - Alur bible

Zaburi 79

¹E Mungu, thek umondo i aba peri; Gicido hekalu peri ma leng’; Girwombo Yerusalem ni udhuru.

²Gimio a vu mi jutic peri ubed ni cemo mi winyo ma kor polo, Ring’kum mi jumaleng’ peri ni yedi mi ng’om.

³Gicwiro rimbgi calu pi i ng’et Yerusalem gbur; Man ng’atu moko mbe m’uyikgi.

⁴Wadoko ni cac ni judhugola mwa, Cac ku ng’iero ni ju m’utiekowa.

⁵Rokani, E Yehova’ ng’ecwiny binegi nja? Nyeko peri biwang’ calu maci?

⁶Konj kwinyo peri wi thek m’ung’ei ngo, Man wi ker m’ulwong’o nyingi ngo.

⁷Kum gicamu Yakobo, Man ginyotho kabedo pare.

⁸Kud ipoi kum kier mi kwaruwa i ku mwa: Wek kisa ma ng’ic peri romb kudwa pio; Kum jujwigowa dit.

⁹Konywa, E Mungu mi both mwa, kum dwong’ mi nyingi; Man ibodhwa, iwek dubo mwa woko de, ni kum nyingi.

¹⁰Nedi thek giwacu kumae, Mungu migi ni kani? Wek kwoj rimo mi jutic peri m’ucwir Ung’eire i kind thek i wang’wa.

¹¹Wek gamucwiny pa jakol uwok i weng’i: Calku dit mi tego peri gwok ju ma jukethogi mi tho;

¹²Man icul kum judhugola mwa wang’ abiro i korgi Cac migi, ma gicei ko, E Rwoth.

¹³Kum kumeno wan wa dhanu peri man rombe mi kwac peri Wabifoi mi nja: Wabinyutho pak peri ni dhanum’utuk ceke.