Read Alur Zaburi 8 Bible Online

Zaburi 8 - Alur bible

Zaburi 8

¹E Yehova, Rwoth mwa, Karamb ber mi nyingi ma ni i ng’om yu mire ma, M’iketho dwong’ peri wi polo!

²Iguro the tego ku dhu mukere man nyithindho ma nok, Kum jusend peri, Kara ijuk jadegi ku jaculkwor.

³Kinde m’apido pi polo peri ma tic m’i cingi, Dwi ku cero, m’iketho;

⁴Dhanu en e ang’o, ma nia ipido pire? Man wod dhanu, ma nia iliewe?

⁵Kum ijwige edoko nok ma sagu malaika, Man iroyo jamkermiwic mi dwong’ ku yung i wie.

⁶Iketho ebim wi tic mi cingi; Iketho gin ceke the tiende:

⁷Rombe ku koni dhiang’ ceke, Eyo, ku yedi m’i thim,

⁸Winyo m’i polo, man rec m’i nam, Gin ceke ma tek ukadhu kud i yo mi nam.

⁹E Yehova, Rwoth mwa, Karamb ber mi nyingi ma ni i ng’om yu mire ma!