Read Alur Zaburi 87 Bible Online

Zaburi 87 - Alur bible

Zaburi 87

¹Thepiny pare ni gudi ma leng’.

²Yehova maru dhugang’ mi Sayuni Ma sagu kabedo ceke pa Yakobo.

³Juyero gin mi dwong’ piri, E adhura pa Mungu. [Sela.

⁴Abiyero pi Rahab man Babeli i kind ju ma ging’eya: Nen, Filistia, ku Turo, kud Ethiopia: Junyolo ng’atu maeni kuca.

⁵Eyo, pi Sayuni jubiwacu kumae, Junyolo ng’atu maeni ku ng’atu maeca i ie; Man Ng’atu ma Malu Ngbir en ebidwoke tek.

⁶Yehova bikwanu, kinde m’ekiewo ko dhidhanu, Ng’atu maeni junyolo kuca. [Sela.

⁷Ju m’uwero wer ku ju m’umielo miel bende gibiwacu kumae, Kulo para ceke ni i beng’i.