Read Alur Zaburi 88 Bible Online

Zaburi 88 - Alur bible

Zaburi 88

¹E Yehova, Mungu mi both para, Aywak dieceng’ku diewor i weng’i.

²Wek rwo para mond i vuti; Man ileng’ ithi ba ywak para.

³Man ng’eyong’ec para pong’ ku can, Man kwo para eoro ceng’ni liel.

⁴Jukwana karacelo ku ju m’uloro i vur; Abedo calu ng’atu ma kony umbe kude,

⁵Ma jubayu kind ju m’utho, Calu ju ma junego m’uvuto i liel, M’ipoi pigi kendo ngo, Man githumbri woko kud i cingi.

⁶Iketha i vur ma thuth, I ka ma col, i pi ma thuth.

⁷Kwinyo peri bedo tek i kuma, Man isenda ku mukura peri ceke. [Sela.

⁸Icoro juwada bor kud i kuma; Idwoka ni ginmajudagu igi: Juciko bang’a, man acopo wok ungo.

⁹Wang’a jung’ ni kum masendi: Alwong’i ku ba rupiny ku ba rupiny, e Yehova; Athang’u cinga i beng’i.

¹⁰Gibinyutho musana ni ju m’utho? Ju m’utho gibiai man gibipeki? [Sela.

¹¹Jubiyero pi mer mi bero peri i lieli? Kadi lemandha peri i Kanyothi?

¹²Musana peri bing’eire i mudho? Man bedopwe peri i ng’om mi wilwici?

¹³Ento aywak i beng’i, E Yehova; Man kugweno rwo para bitundo i weng’i.

¹⁴Yehova, nedi ibayu ng’eyong’ec para? Nedi ipanu weng’i ira?

¹⁵Jusenda man a ceng’ni tho ugambre i aradu para: Kinde m’asendra ku ndiri peri cwinya ng’abre.

¹⁶Kwinyo peri ma ju lake uma; Ndiri peri kaba woko.

¹⁷Gibino gitieka calu pi ceng’ du; Gitieka gbur karacelo.

¹⁸Jamer ku jarimo ikethogi bor kuda, Man wat para i mudho.